ADAT KABIASAAN ANU SALAH TEMPAT

Dina kahirupan masyarakat zaman ayeuna urang sok manggihan aya rame-rame. Sihoreng teh  keur aya upacara anu disebut jarig ( yareh ) atawa ulang tahun. Acarana beda-beda, tujuana oge beda beda, aya anu sederhana. Aya nu ngumbar kamewahan.

Naon tah maksudna diayakeun ulang tahun teh ? Lain kadaharan, lain kado. Lamun urang jalma beriman mah, keur bahan tafakur. Saha anu ulang tahun tah didinya kudu kaji diri.

Kahiji :Keur ulang tahun teh yuswa sabaraha ? Yuswa nambah berarti umur ngurangan. Sesa umur saeutik deui tah.
Kadua : Naon anu geus dipigawe keur bekel akhiratnya, naha sih loba kahadean atawa kagorengan. Lamun loba kahadean alhamdililla, berarti jadi jalma anu beruntung. Tapi lamun loba kagorengan astaghfirullah, bakal jadi cilaka, lamun teu geyra robah diri.

Dina masyarakat Islam oge aya ulang tahun, nyaeta di Cirebon mah dekenalna muludan atanapi mauludan. Komoh deui aya adat budaya kraton Kanoman jeung Kasepuhan. Waduuh mani rame pisan acarana. Tapi eta teh keur kaperluan lahir. Ari keur kabutuhan batin mah duka teuing, sigana loba musyrikna. Eta mah tergantung niatna masing-masing . Alus keur sorangan, goreng oge keur sorangan.

Ari mauludan anu bener mah mungguhing sifat Islam, kudu sederhana, teu mewah-mewahan, tujuanana nyaeta pikeun nyonto jeung nulada sagala prilaku Kanjeng Nabi Muhammad saw. Saha eta Kanjeng Nabi Muhammad teh ?

Kanjeng Nabi Muhammad teh hiji jalma anu diangkat ku Allah janten rasul atanapi utusan Allah keur para manusakabeh.  Diutus naon cenaaah ?

Aranjeuna diutus merean berita gumbira ka para manusa, sing saha taat, patuh, tunduk ngan ukur nyembah Allah, bakal meunang kabagjaan salamet dunya jeung akhiratna. Sabalikna aranjeuna mere paringatan ka sing saha jalma anu tombelar, wani, durhaka ka Allah eta jalma bakal cilaka boh di dunya, boh diakhiratna.

Terus kaitana jeung urang kumaha kana soal mauludan teh ? Waaaah gampang pisan . Heg geura urang tingali amal urang kabeh ti 12 maulud th kapungkur jeung satahun 12 maulud tahun ayeuna , naha loba amal saleh, naha loba numpuk pidorakaeun ?

Lamun loba pidorakaeun waduuuh bener-bener rugi, waktu dipiceun kamana mendi, sia sia ,. Da waktu teh saruwa jeung kasempetan atawa peluang cek zaman ayeuna mah. Na kunaon aya peluang teh dipiceunan wae, Bener-bener goblok urang teh. Ari goblok teh bibitna bodoh. Cek basa Arabna mah JAHIL. Lain jail, ari jail mah kaniaya